Galicia preparase para a chegada dunha masa de aire ártica este xoves, o que provocará unha importante baixada das temperaturas e o retorno das condicións invernais na comunidade. na comarca teremos máximas entre 10 e 12 graos e mínimas de 4 graos.
Os ceos estarán máis despexados canto máis ao sur se atope un, mentres que no norte agárdanse chuvascos illados e ocasionais, que serán en forma de neve por riba dos 800 metros. A chegada da masa de aire frío tamén traerá consigo un descenso moderado das temperaturas, cunha caída das máximas que quedarán por baixo dos 10 graos en moitos puntos do interior da comunidade, con especial intensidade nas zonas de montaña.
O descenso das temperaturas será especialmente notorio nas montañas de Lugo e Ourense, onde se poderían rexistrar xeadas nas zonas máis altas. En xeral, as mínimas estarán por baixo dos 0 graos en moitos puntos do interior e as zonas montañosas, polo que as persoas que se despracen a esas áreas deberán tomar precaucións ante a posibilidade de xeo nas estradas.
Os ventos soprarán desde o norte, sendo moderados no litoral e nas zonas altas das montañas, mentres que serán máis frouxos no resto da comunidade.
Este episodio de frío extremo está previsto para as próximas 48 horas, polo que as autoridades recomendan estar atentos ás actualizacións meteorolóxicas para evitar sorpresas.
O noso mar: Vento do nordés á mañá, do norte á tarde e do nordés á noite, forza 3 a 4 á mañá e á tarde e 2 a 4 á noite. Marusía á mañá e á tarde e mar ovellado á noite. Visibilidade boa. Mar de fondo do noroeste, con ondas de 1.5 a 2 metros á mañá e 1 a 1.5 metros á tarde e á noite.
