Rianxo acolle este sábado 22 de novembro a XIII edición da Xornada de Construción Naval en Madeira organizada pola Asociación Galega de Carpintería de Ribeira (AGALCARI) coa colaboración do Concello.
A cita, convocada baixo o epígrafe Un mar de madeira, desenvolverase no Pazo Martelo a partir das 10:00 horas.
Asociación Galega de Carpintería de Ribeira é unha entidade aberta e integradora de todas as empresas de construción naval en madeira de Galicia. A súa sede está no Barbanza, no concello de Boiro, e está formada por Asteleiros Triñanes, Estaleiros Baladiño, Naumarina, Estaleiros Lojo, Estaleiros Hijos de J. Garrido, Estaleiros Carlos Fernández Viñas, Estaleiros Aguiño, Estaleiros Abeijón Hermanos, Carpinteiría Lorbé, Carpintaría Domingo Ayaso, Carpintaría de Ribeira Francisco Fra Rico, Astilleros y Varaderos Lago-Abeijón, Astilleros Lagos, Astilleros Catoira, Astilleros HEBC e Astilleros Amado.
