O domingo 16 de novembro ás 12:00 h a vila de Noia vai vivir unha xornada de viaxes poéticas da man da poeta afincada na vila noiesa, Raquel Romarís, que presenta o seu segundo libro: Madre de lunas y cunas. (Latidos compartidos).
Haberá exemplares á venda, e os 20 primeiros recibirán un “latexo compartido” de agasallo, segundo confirmou o Concello, engadindo que con este novo poemario a autora convídanos a reflexionar sobre as maternidades invisíbeis e sobre a decisión de non ser nai, o acollemento familiar, a maternidade LGTBQ+, a renuncia, o loito, o síndrome do niño baleiro…
Ao longo das páxinas da obra, a autora (presente en diversas antoloxías poéticas internacionais) realiza unha reflexión sobre a idea das múltiples maternidades.
Nota: rógase asistir sen colonia nin produtos con fragrancia, por motivos de saúde da autora.
