O Concello de Boiro vén de asinar un convenio de colaboración coa Asociación Club de Xubilados e Pensionistas Aroña, de Santiago de Lampón. Máis en concreto, foi o alcalde de Boiro, José Ramón Romero, acompañado do tenente de alcalde, Luis Ruiz, o encargado de asinar dito convenio co presidente e en presenza de representantes da xunta directiva da entidade. Esta colaboración tradúcese en que o Concello de Boiro destinará 1.200 euros para desprazamentos e actividades que levarán a cabo dende a entidade co obxectivo de promover o benestar social das persoas maiores e fomentar a organización de actividades recreativas e culturais.
