O Concello de Boiro vén de adquirir un vehículo 100% eléctrico destinado aos departamentos municipais de obras e servizos mediante unha subvención da Consellería de Presidencia, Xustiza e Deportes. O alcalde, José Ramón Romero, e a concelleira de Medio Ambiente, Olga González, recepcionaron este mércores 12 de novembro o vehículo.
A adquisición encádrase noi plan de renovación da flota de vehículos e maquinaria municipal a unha máis eficiente e menos contaminante. Os vehículos dos que dispoñen os departamentos municipais teñen moitos anos e moito uso, ademais de ser propulsados a gasóleo e moi ruidosos, o que fai que non se poidan empregar en determinados horarios da xornada laboral.
Deste xeito vense de adquirir un vehículo 100% eléctrico co que se renova o parque móbil, cunha autonomía de 135km, sen emisión de gases de efecto invernadoiro e cunha redución importante da emisión de ruído e con capacidade para ser empregado por diversos departamentos municipais.
Para esta adquisición o Concello de Boiro recibiu o financiamento ao 70% mediante unha subvención de 32.000 euros no marco das subvencións do Fondo de Compensación Ambiental para o ano 2025 da Consellería de Presidencia, Xustiza e Deportes
