Volven esta semana as actividades divulgativas e dinamizadoras do ciclo Muller e Saúde (Semente de Autocoidado), organizado Concello de Boiro (a través do Centro de Información á Muller) para achegar recursos saudábeis á poboación feminina e contribuír a mellorar a súa calidade de vida e máis o seu apoderamento.
A primeira cita deste semana será este mércores 12 en horario de tarde, de 16.30 a 19.30 horas, e tratará sobre as ferramentas e metodoloxías para o día a día da saúde mental e a saúde emocional. Desenvolverase no Centro Social de Abanqueiro
A segunda cita levarase a cabo entre o mércores 12 e o venres 14, en horario de mañá (de 9.00 a 15.00 horas) e nas sesións porase o foco no afrontamento para o crecemento persoal. As sesións celebraranse no propio Concello de Boiro.
O ciclo rematará o 20 de novembro cun obradoiro sobre novas tecnoloxías (aplicacións e ferramentas dixitais), en horario de tarde na Aula CeMIT do Centro Social de Boiro.
Información e inscrición en cim@boiro.org ou no 981 84 48 00 ext. 1285.
