Esta semana proseguen en Boiro as actividades divulgativas e dinamizadoras do ciclo Muller e Saúde (Semente de Autocoidado), organizado Concello de Boiro (a través do Centro de Información á Muller) para achegar recursos saudábeis á poboación feminina e contribuír a mellorar a súa calidade de vida e máis o seu apoderamento.
A cita é este xoves 20 a partir das 16.30h.
Trátase da última actividade da presente edición do ciclo e que consistirá nun obradoiro sobre novas tecnoloxías (aplicacións e ferramentas dixitais), en horario de tarde na Aula CeMIT do Centro Social de Boiro. O taller desenvolverase baixo o epígrafe Tecnoloxía e saúde: apps e novas ferramentas, e con esta actividade búscase axudar ás mulleres participantes a extraer unha utilidade positiva do panorama actual das novas aplicacións e servizos.
Información e inscrición en cim@boiro.org ou no 981 84 48 00 ext. 1285.
