Porto do Son, e máis concretamente a parroquia de Baroña, convértese ested sábado no epicentro do aproveitamento forestal innovador cun evento único centrado na sustentabilidade e o autoabastecemento de madeira local.
O sábado 15 de novembro, o sector forestal galego ten unha cita ineludíbel na Casa Forestal de Baroña, Porto do Son.
A partir das 11.30 da mañá, celebraranse unhas interesantes Xornadas de Aproveitamento da Madeira que poñerán o foco no uso dos modernos serradoiros portátiles.
Segundo explican dende a organización do evento, “esta tecnoloxía emerxente está a revolucionar a forma en que propietarios de montes, pequenas empresas e comunidades xestionan os seus recursos, permitindo transformar troncos en madeira de construción ou para usos propios a pé de monte, minimizando custos e optimizando o valioso recurso forestal”.
O evento, de carácter demostrativo e formativo, preséntase como “unha oportunidade clave para entender como a maquinaria portátil está a democratizar o acceso á transformación da madeira”, sinalan dende a organización, engadindo que as persoas asistentes poderán ver en acción estes equipos, coñecer a súa eficiencia e debater con expertos sobre modelos de negocio circulares e de proximidade.
A cita será ás 11:30h.
Para máis información podemos chamar ao teléfono 633 433 778 ou escribir a contacto@timbertools.es
