Noia vai ter un mes de novembro de recitais e concertos. A música será protagonista con dúas fins de semana chea de actuacións para todos os públicos:
Por unha banda veciños e visitantes poderán gozar do Concerto na honra de Santa Cecilia, organizado pola Sociedade Liceo de Noia. Será este sábado 15 de novembro ás 20:00 h, a cargo da Banda de Música de Noia (con entrada libre).
Por outra banda cómpre destacar a celebración da XLVIII Semana Musical de Noia, que se celebra na Igrexa de San Martiño a vindeira fin de semana, o venres 21, o sábado 22 e o domingo 23 de novembro. Será, en palabras do Concello, “unha cita especial coa música coral e instrumental, con actuacións do Conservatorio Municipal, corais polifónicas e dúos locais”.
