Este mércores 19, Santa Matilde, teremos unha xornada marcada por unha situación intermedia entre altas e baixas presións, que favorecerá a formación dun corredor de ventos procedentes de latitudes máis altas, responsable da entrada de aire frío sobre a comunidade.
Esta configuración deixará ceos parcialmente nubrados e chuvascos de intensidade moderada, máis probables e frecuentes na metade norte, mentres que no sur alternarán nubes e claros ao longo do día. con risco de chuvascos a partir do mediodái na comarca.
A cota de neve situarase inicialmente arredor dos 1.200 metros, pero baixará ao final do día por debaixo dos 1.000 metros, o que poderá deixar nevadas en zonas de montaña máis baixas do habitual. As temperaturas descenderán lixeiramente, con xeadas previstas en áreas elevadas. (13-15 de máximo e 6 de mínima).
Os ventos soprarán de norte-nordés, moderados na costa e con refachos fortes entre Estaca de Bares e Fisterra, onde se agarda un estado do mar máis adverso.
O noso mar: Vento do nordés, forza 3 a 4 á mañá e á tarde e 3 a 5 á noite. Marusía. Visibilidade boa. Mar de fondo do noroeste, con ondas de 0 a 0.5 metros á mañá e 0.5 a 1 metros á tarde e á noite.
