O luns, San León Magno, será un día de inestabilidade atmosférica. Polo tanto, o ceo estará parcialmente nubrado con precipitacións máis xeneralizadas pola mañá. A partir da tarde menos chuvia e quedando alternancia de nubes e claros canto máis ao leste do territorio. As temperaturas mínimas ascenderán lixeiramente e as máximas non terán cambios. O vento sopará moderado do suroeste no litoral e sendo forte do sur pola noite na Costa da Morte.
O noso mar: Vento do sudoeste á mañá, do sudoeste á tarde e do sur á noite, forza 1 a 3 á mañá, 4 a 5 á tarde e 4 a 6 á noite. Mar rizado á mañá, mar ovellado á tarde e forte marusía á noite. Visibilidade regular á mañá e á noite e boa á tarde. Mar de fondo do noroeste, con ondas de 3 a 3.5 metros á mañá e 2.5 a 3.5 metros á tarde e á noite.
