A Asociación de Veciños de San Xoán de Laíño, no concello de Dodro, organiza este sábado 22 de novembro un Certame Folclórico (Festival de Música e Cultura) no seu local social, situado no lugar do Imo (Local Social do Montiño, San Xoán de Laíño, Dodro). Comeza ás seis da tarde coa actuación da seguintes agrupacións: AC Arreixeira, Amaiante, Os Garuleiros, AC Nós de Sobradelo, Xeiteiras, Río de Anxo, Xodó, Os Mersenarios e A Foliada do Montiño.
Ao rematar, haberá uns petiscos para todos os asistentes e foliada libre. A asociación organizadora agradece a participación desinteresada de tódolos grupos que figuran no cartel do certame folclórico.
