Este sábado o Centro Social da Capela (Araño, Rianxo) vai acoller unha gran festa gastronómico-musical: a festa do Magosto. Haberá castañas asadas de balde, xogos populares para a rapazada (con monitores), música e actividades diversas para todos os públicos e, segundo informou a organización do evento, “moitas outras cousas”. A cita dará comezo ás 16:00 horas no Centro Social da Capela (Araño). A vertente musical virá dada polo karaoke infantil e pola agrupación Amores de Barra. Organiza a Asociación de Veciños do Araño en colaboración co Concello de Rianxo.
