O Concello de Dodro vai celebrar o 25N, Día Internacional da Eliminación da Violencia contra a Muller, cunha manchea de actividades participativas baixo o lema Non se lastima a quen se quere (elixe feminismo), comezando coa colocación (o día 7 de novembro) dunha pancarta reivindicativa na balconada do Concello e co reparto dos dípticos informativos do CIM Terras de Iria en diferentes lugares municipais, centro de saúde… e tamén serán entregados ao alumnado da ESO do CPI Eusebio Lorenzo Baleirón.
Ademais, este sábado día 8 celebrouse un curso de defensa persoal para mulleres e esta semana, o xoves 13 de novembro, colocaranse sinais de Stop Violencia en varios lugares de Dodro. O 19 realizarase unha plantación árbores no campo do bosque e ás 12h e colocaranse placas conmemorativas.
O día 22 a veciñanza de Dodro participará nunha andaina contra a violencia de xénero convocada baixo o epígrafe O xardín dos valores. Será ás 16.00 h desde a Casa do Concello.
O 25N terá lugar un acto institucional no Concello ás 12.00 h.
