Ribeira acollerá o vindeiro xoves 27 de novembro, ás 19:00 horas, no Salón Lustres Rivas, o espectáculo de narración oral Vicio houbo sempre, interpretado pola narradora Atenea García. A proposta, dirixida a público adulto, chega ao municipio no marco da campaña provincial Liberdade de ser e sentir!, impulsada pola Deputación da Coruña con motivo do 28 de xuño, Día da Diversidade Sexual.
O espectáculo forma parte do programa “Ser e sentir”, promovido pola área de Igualdade da Deputación da Coruña, que busca visibilizar e celebrar a diversidade afectiva e sexual a través de actividades culturais, educativas e artísticas por diferentes concellos da provincia.
A actividade conta coa colaboración do Concello de Ribeira, que destaca a importancia de empregar a cultura como ferramenta para promover a igualdade, o respecto e a liberdade individual. O evento será de acceso libre até completar a capacidade do recinto.
