Este sábado 22 de novembro, á 20:30 horas, celebrarase en Rianxo, no Auditorio de Galicia, unha nova edición do Memorial Mireya Dieste, que incluirá un concerto de piano de Yolanda Delgado.
A entrada será de balde ata completar capacidade.
O relator será José Luís do Pico Orjais.
Concerto organizado pola Irmandade da Música Galega e o Fondo Local de Música do Concello de Rianxo e enmarcado no programa Outono das Artes da Deputación de Coruña.
Mireya Dieste
Mireya Dieste, que morreu en 2015 aos cen anos, era sobriña do ilustre escritor rianxeiro Rafael Dieste, filla de Eduardo, un dos irmáns maiores do celebrado autor de A fiestra baldeira. Mireya-Magdalena, que residía en A Coruña, pasou boa parte da súa nenez en Rianxo e logo comezou un periplo polo mudo acompañada en primeira instancia polo seu pai, que era diplomático. Mireya foi unha intérprete moi destacada de piano. Render homenaxe ás súas importantes contribucións e ao seu legado é un dos grandes obxectivos do memorial rianxeiro que leva o seu nome e que chega, como dixemos, á súa nova edición este sábado 22 de novembro.
