A Archidiocese de Santiago celebra este sábado 15 de novembro, nas instalacións de La Salle (Santiago), un encontro diocesano no que se presentará oficialmente o Plan Pastoral 2026–2029. A xornada reunirá sacerdotes, relixiosos e relixiosas, laicos, axentes de pastoral e membros de grupos, movementos, asociacións e confrarías da diócese.
O arcebispo de Santiago, mons. Francisco José Prieto Fernández, será o encargado de presentar as liñas xerais do novo Plan Pastoral, así como as tres prioridades pastorais e os tres obxectivos específicos que orientarán a acción da Igrexa compostelá durante o próximo cuatrienio.
Tras un descanso ás 12:15, a sesión retomarase ás 13:00 cun momento de recollida das achegas e impresións dos asistentes, seguido dun tempo de alabanza e oración, que porá fin ao encontro matinal.
A comida terá lugar ás 14:30 no Mosteiro de San Martiño Pinario, cun custe de 20 euros. A inscrición deberá efectuarse de maneira nominal mediante os arciprestes e vicearciprestes, ou a través das delegacións diocesanas no caso daqueles participantes vinculados a elas.
Pola tarde, ás 16:30, os asistentes achegaranse á Catedral de Santiago para o ensaio de cantos, concluíndo a xornada coa celebración da Eucaristía ás 17:00 horas.
