Tristes noticias sobre algunhas residencias de maiores ou centros de menores. Falta de atención adecuada, comidas en mal estado, malos tratos, suicidios, violacións e un longo etcétera de abusos e anomalías que danan ás persoas máis vulnerables, como poden ser os maiores e os máis novos da nosa sociedade.
Nunca podemos cansarnos de lembrar que, na xestión privada dos servizos públicos, as diferentes Administracións Públicas teñen a obriga de realizar controis e inspeccións periódicas para comprobar sobre o bo funcionamento deses centros. Inspeccións, que teñen que ser efectuadas por profesionais independentes ou funcionarios públicos para evitar calquera tipo de conivencia.
Moito dos traballadores que prestan servizos neses centros públicos, de maiores ou de acollida de menores, son explotados laboralmente, non lles abonan as horas extras, salarios de miseria, falta de prevención e seguridade e hixiene no traballo, unha evidente precariedade laboral e persoal insuficiente para unha axeitada atención aos usuarios.
