A libraría ULA Libraría Social, impulsada por Maitane Vicente na Serra de Outes (na rúa da Capela), segue adiante co seu proxecto de dinamización cultural, social e ambiental que abrangue o concello e a comarca. Nesta liña encádrase unha actividade programada para este 24 de outubro (venres) para conmemorar o Día Mundial Contra a Polio, unha xornada divulgativa que contará coa presenza de Xosé María Dios Diz (médico local e impulsor das xa históricas Xornadas Sociosanitarias de Outes), Marisol Bravos López (activista social e cultural e autora do libro Unha historia de superación) e Vicente Abelleira Cambeiro (activista social e cultural de Outes).
A xornada comezará ás 19.00 horas coa proxección do documental Polio, crónica de una negligencia, dirixido por Montserrat Armengou.
A continuación, sobre as 20.15 horas, dará comezo o coloquio cos tres devanditos relatores.
