Serres Runners e o Concello de Muros presentaron o cartaz oficial da V edición do Trail Cova da Bruxa. Trátase, en palabras da organización, “dunha das probas máis destacadas do ano en Muros xa ten cartaz oficial e datas de celebración, os días 28 e 29 de marzo de 2026”. Engadiron que xa está aberto o prazo de inscrición para esta cita deportiva organizada por Serres Runners, coa colaboración do Concello de Muros.
“Desde o Pequetrail ao trail máis longo e duro, o Trail Cova da Bruxa servirá de novo para que atletas de todas as idades fagan deporte e disfruten da natureza”, asegura o concelleiro de Deportes de Muros, Damián Torea.
O Trail Cova da Bruxa desenvolverase en dúas quendas. Na do sábado celebrarase o Pequetrail e máis o Serres Uphill (unha distancia a percorrer de 3,5 quilómetros e un desnivel de máis 450).
O domingo celebraranse o Trail das Forcadas (26 quilómetros, desnivel de 1600+), o Trail Cova de Jatos (15 quilómetros e desnivel de 950), o Trail de Rebordelo (9 quilómetros e 450 de desnivel) e a Camiñada Cova da Bruxa (9 quilómetros e 450 de desnivel).
