O alcalde, José Ramón Romero, e o tenente de alcalde, Luis Ruiz, participaron na mañá deste 6 de outubro na toma de posesión dos seis novos axentes que se incorporan ao cadro da Policía Local de Boiro.
Tamara Barreiro, Adrián Fernández, Jorge García, Jordi Llamas, Martín López e José Luis Pose accederon ao posto mediante unha Oferta de Emprego Público e logo de superar as probas realizadas na Academia Galega de Seguridade e máis o período de formación como funcionarios en prácticas.
O pasado venres 29 de setembro tiveron o acto de graduación na AGASP e dende este luns 6 de outubro forman parte da do corpo da Policía Local de Boiro.
“Apostamos deste xeito por seguir aumentando o cadro da policía local de Boiro e contar cun corpo acorde ás necesidades do municipio”, informou o alcalde, engadindo que dende o ano 2019 cubríronse 12 prazas de axentes, case o do dobre das que se cubriron nos últimos vinte anos pois entre o 1995 e o 2003 cubríronse 2 prazas, entre o 2003 e o 2011, 5 prazas e dende o 2011 ao 2019 ningunha.
O cadro da Policía Local conta na actualidade con 16 axentes, dous oficiais e un auxiliar. O obxectivo é seguir cubrindo as prazas vacantes e contar con outro oficial, un inspector e tamén un administrativo para cubrir así todas as prazas do cadro laboral.
