O deste mércores 1 de outubro foi un día de rescates para o Grupo de Emerxencias e Protección Civil Municipal (GAEM) de Ribeira. Segundo comunicou o grupo de Protección Civil con sede en Santa Uxía, a xornada incluíu o rescate dun can atorado nunha tubaxe no barrio de Cubeliños, en Ribeira. Participou a dotación de garda do GAEM, que coa súa intervención foi quen de liberar a cabeza do can.
Ademais, xa avanzado o día e contra o serán, a agrupación de Protección Civil trasladouse a Corrubedo para socorrer a un gato en apuros. Segundo informaron os efectivos do GAEM, o animal estaba empoleirado no alto dun poste na dita parroquia. Interveu, para baixalo, a dotación de garda do Grupo de Emerxencias e Protección Civil.
Ademais, a petición do CIAE 112, o grupo foi quen de recuperar un cabalo na parroquia de Carreira o cal atopábase na estrada DP-7305 provocando un grave risco para a circulación. Foi recuperado e entregado o seu propietario.
