A doutora Jane Goodall finou aos 91 anos por causas naturais, mentres estaba en California participando nunha xjra de conferencias en Estados Unidos. Jane Goodall, nada coma Valerie Jane Morris-Goodall en Londres o 3 de abril de 1934, estaba considerada unha das científicas e ecoloxistas máis influentes do século XX. O instituto que leva o seu nome confirmou a o seu pasamento este mércores, lembrándoa coma Mensaxeira da Paz da ONU e voz mundial na defensa dos animais e a protección do planeta.
Goodall revolucionou a primatoloxía e o xeito de entender a relación entre humanos e animais coas súas investigacións primeiras na reserva nacional de chimpancés de Gombe, en Tanzania, onde documentou por primeira vez o uso de ferramentas, os rituais e as complexidades sociais dos chimpancés. AS súa traxectoria científica e activista converteuna nunha figura de referencia internacional, admirada tanto entre os académicos como por persoeiros do eido da cultura e o ambiental.
