O Concello de Rianxo segue adiante con proxectos que melloren as infraestruturas dos núcleos rurais. O alcalde Julián Bustelo informou esta fin de semana que a Administración local xa conta con todos os permisos para iniciar o procedemento destinado a sacar a licitación (nos próximos días) o proxecto de ampliación da rede municipal de abastecemento de auga entre os núcleos de Corques e Outeiro, na parroquia de Taragoña.
O proxecto, que conta cun orzamento de 90.713,70€, inclúe a disposición de tubaxe na marxe da AC-305, a reposición da beirarrúa e a rexeneración completa de todas as vías municipais que se vexan afectados.
