Galicia continuará este martes 14, cunha xornada de tempo maioritariamente estable, con ceos despexados na maior parte do territorio.
Durante a mañá, agárdanse nubes baixas e néboas nas comarcas do interior, que se irán disipando co paso das horas. A medida que avance o día, os ceos quedarán moi abertos, aínda que poderán formarse nubes de evolución nas zonas do interior, acompañadas de algún chuvasco illado, máis probable nas áreas de montaña.
As temperaturas non rexistrarán grandes cambios,(24-27 graos), especialmente durante a tarde. Os ventos soprarán de leste a nordés, en xeral frouxos, mentres que nas Rías Baixas tenderán a rolar a noroeste.
O noso mar:Vento do norte á mañá, do noroeste á tarde e variable á noite, forza 1 a 2 á mañá e á noite e 1 a 3 á tarde. Mar ovellado á mañá e á tarde e mar rizado á noite. Visibilidade regular á mañá e á noite e boa á tarde. Mar de fondo do noroeste, con ondas de 1 a 1.5 metros á mañá e á noite e 1.5 a 2 metros á tarde.
