O 24 de xullo de 1525 zarpaba da Coruña unha expedición da coroa de Castela que tiña como obxectivo chegar ás illas das especias (Molucas) e reclamalas para a coroa patrocinadora da expedición, que desputaba a propiedade das mesmas á coroa de Portugal. A nao Vitoria regresou a España desde Lisboa en 1536 con 79 superviventes.
A expedición estaba formada por unha frota de sete naos e 450 homes. Formaban parte dela dous dos máis insignes mariños españois: Juan Sebastián de Elcano, que perdería a vida nela, e o mozo Andrés de Urdaneta.
Froitos desta expedición foron os numerosos descubrimentos xeográficos e marítimos, máis a súa travesía foi unha sucesión de desastres, calamidades e desercións. Durante a viaxe morreron, entre outros, o capitán Loaisa e Elcano. Tres das naos non arribaron ao cruzaren o Estreito de Magallanes e só a Santa María da Vitoria arribou ás Molucas e retornou a España con só 24 homes deste navío.
García Jofré de Loaisa (nado en Cidade Real no ano 1.490, finou no Océano Pacífico o 30 de xullo de 1526. Este mariño español descubriu o cabo de Hornos e as illas Marshall.
Será coprotagonista da cuarta e derradeira conferencia que este xoves pronunciará na Coruña a investigadora Amparo Rubio no ciclo “Da Coruña ás Molucas”, co gallo do quinto centenario da expedición Loaisa.
A investigadora do Instituto de Estudos Galegos Padre Sarmiento é licenciada e doutora en Historia Medieval pola Universidad Complutense de Madrid. As súas liñas de investigación están centradas principalmente no estudo da Facenda e a Fiscalidade Real na Coroa de Castela, con especial atención ao reino de Galicia nos séculos baixomedievais , as redes de axentes fiscais encargadas da xestión do imposto. Ten publicados máis dunha trintena de traballos, entre os que salienta a monografía titulada “El reinado de los Reyes Católicos en Galicia”.
