Os Dereitos non son eternos, hai que loitar por eles. Un dos Dereitos Fundamentais, e que tanto enorgullece ao noso país, é a SANIDADE PÚBLICA, universal e gratuíta. Somos un exemplo para o resto do mundo e moito países desexarían dispoñer do sistema sanitario que temos en España.
Por desgraza, nos últimos tempos, en moitas Comunidades Autónomas está a desmantelarse o sistema de sanidade pública en beneficio da sanidade privada ou concertada. Iso supón moitos quebradizos de cabeza para as persoas e familias con menos posibilidades económicas que non poden acudir á sanidade de pago, no caso de evitar a demora das listas de espera, ou o poder realizar unha proba de diagnóstico importante, o máis axiña posible.
O negocio da sanidade é moi importante para demasiados gobernantes que pretenden sacarse un sobresoldo ou ben deixar aberta a posibilidade ás portas xiratorias, unha vez abandonan a política profesional.
Este sábado, pola tarde, a Plataforma en Defensa da Sanidade Pública do Barbanza e outras organizacións sindicais, políticas e sociais pretende realizar unha gran “cadea humana”, desde o centro de atención primaria de Ribeira ata o Hospital Comarcal. Aí temos que estar todas as persoas e familias do Barbanza que cren e necesitan da Sanidade Pública.
