O venres 24 de outubro, ás 19.00h, o BNG de Carnota fará unha homenaxe á figura política de Castelao, na praza onde se encontra o seu busto en Lira.
No acto intervirán a portavoz nacional do BNG, Ana Pontón, e o cabeza de lista do BNG Carnota para ás eleccións locais de 2027, Primitivo Pedrosa.
Nesta homenaxe, que se enmarca no Ano Castelao polo 75 aniversario do falecemento do ilustre escritor, artista e político rianxeiro, realizarase unha lectura pública de diferentes fragmentos do libro Sempre en Galiza, e haberá tamén “algunha sorpresa musical”, segundo a organización do acto.
O BNG convida a todas e todos a asistir e reivindicar a figura de Castelao como nacionalista galego.
