A Policía Local de Rianxo e o grupo local de Protección Civil colaboraron este mércores 15 de outubro pola mañá para asistir nun accidente no lugar Pazo, con dous vehículos implicados: un saído de vía ata a beira da estrada e outro automóbil envorcado ocupando un dos carrís. Malia o estado no que quedou este último vehículo non houbo que lamentar feridos. O sinistro localizouse no quilómetro 1 da estrada DP-7202. O condutor do coche que quedou á beira da estrada non sufriu mancadura algunha e puido saír polo seu propio pé do vehículo. O accidente foi comunicado ao 112 polas testemuñas que se atopan neste intre no lugar de Pazo. Até alí, como dixemos, desprazouse unha patrulla da Policía Local e a dotación de garda de Protección Civil de Rianxo.
