A Aula CeMIT do Concello de Boiro lanza un novo programa formativo para o mes de novembro con cursos que se van impartir no Centro Social de Boiro. Para participar é necesaria inscrición previa mediante o enderezo electrónico axentetic@boiro.org ou nos teléfonos 981 84 26 35 ou 629 769 139.
A formación deste mes de novembro é sobre o paquete de ofimática de LibreOffice (Writer, Calc, Base e Impress) e terá lugar do 4 ao 26 de novembro de 10.00 a 12.00 horas.
LibreOffice é unha completa suite de oficina de software libre, non privativo. LibreOffice incorpora varias aplicacións libres para a xestión ofimática: Writer, o procesador de textos, Calc, a folla de cálculos, Impress, o editor de presentacións, Draw, a aplicación de debuxo e diagramas de fluxo, Base, a base de datos e interface con outras bases de datos, e Math para a edición de fórmulas matemáticas.
