Efectivos do Parque de Bombeiros de Boiro e Ribeira, pertencentes ao Consorcio Contra Incendios e Salvamento de A Coruña, actuaron esta fin de semana nun accidente con feridos na AG-11 no concello de Ribeira xunto ao GAEM (Grupo de Emerxencias e Protección Civil Municipal), ao 061, á Policía Local, á Garda Civil e aos servizos de mantemento da estrada. O sinistro, acontecido na madrugada do domingo, consistiu nunha saída de vía no punto quilométrico 37 da Autovía do Barbanza. Saldouse cunha persoa ferida de consideración leve, segundo confirmou o GAEM de Ribeira.
