Volve o programa Rianxo Termal 2025 con tres novas saídas para os vindeiros meses.
O Concello de Rianxo, a través da Concellería de Política Social, organiza un ciclo de tres novas saídas ás Termas de Cuntis nos meses de outubro, novembro, decembro destinadas a persoas maiores de 50 anos empadroadas no noso municipio.
O programa ten un custo de 60€ persoa, o que inclúe a entrada ás termas os tres días e o desprazamento en autobús dende Rianxo.
Este mércores 24 de setembro o Concello abre o prazo de inscricións que se poden formalizar no Liceo Marítimo de Rianxo de luns a venres en horario de 10:00 a 13:00 horas ou a través dos seguintes teléfonos: 881 862 225 e 881 987 471.
