Unha inserción laboral do 60% é a cifra acadada polo Programa Integrado de Emprego 2024/2025 dos concellos de Boiro, Rianxo e A Pobra.
Emporiso, para chegar a esta porcentaxe do 60% de empregabilidade leváronse a cabo actividades formativas encamiñadas aos sectores produtivos con máis demanda de persoal na comarca do Barbanza e actuacións de intermediación laboral. As insercións acadáronse principalmente na industria alimentaria, supermercados, comercio e atención ao cliente, restauración e hostalería, almacéns, postos administrativos e limpeza.
Esta edición do Programa Empregado de Emprego estivo destinada a 100 persoas desempregadas da comarca que participaron en actividades formativas para mellorar a súa cualificación profesional e formarse en técnicas para busca de emprego. Durante o desenvolvemento do Programa posibilitáronse prácticas para un total de 31 dos participantes e, un 20%, conseguiron traballo grazas a elas.
O Programa Integrado de Emprego 2024/2025 dos concellos de Boiro, Rianxo e A Pobra está financiado pola Consellería de Emprego, Comercio e Emigración da Xunta de Galicia e o Servizo Público de Emprego Estatal.
