O Museo de Artes do Gravado á Estampa Dixital de Ribeira celebrará o sábado, 13 de setembro, a gala de entrega do XVI Premio de Gravado Atlante, un certame de referencia no eido da creación artística que reúne obras de gravadores e gravadoras de ámbito nacional e internacional.
O acto, presidido polo responsable da Fundación Museo, Luís Antonio Pérez Barral, dará comezo ás 13.00 horas nas instalacións situadas no lugar de Outeiro (Artes, Ribeira). A cerimonia incluirá tamén a inauguración da exposición cos traballos seleccionados nesta edición, que permanecerá aberta ao público no propio museo.
Co obxectivo de achegar a cita a toda a cidadanía, a organización retransmitirá o evento en directo a través de dúas canles de YouTube: Enlace 1 e Enlace 2.
O Premio Atlante consolídase, edición tras edición, como un espazo de encontro para o mundo do gravado contemporáneo e unha plataforma de difusión do talento artístico vinculado a esta disciplina.
