Xa temos na Rede a relación de actividades deste curso que vén de comezar relativa ás Escolas Deportivas de Porto do Son, que arrincan oficialmente o vindeiro 29 de setembro e que abren o prazo de inscrición ese mesmo día (presentando ao monitorado as follas de inscrición cumprimentadas).
Haberá actividades no Pavillón de Santa Irene (predeporte, acrobacias, zumba infantil, mantemento de maiores, pilates, cross training, total training), en Portosín (zumba infantil, zumba adultos, bike, pilates e cross training), en Miñortos (ioga, mantemento de maiores, circuit training), Queiruga (pilates), Caamaño (mantemento de maiores), Xuño (mantemento de maiores, cross training, predeporte, pilates) e San Pedro (mantemento de maiores).
As inscricións realizaranse dende o 29 de setembro, pero as Escolas Deportivas estarán abertas todo o ano, até o remate do curso 2026, segundo confirmaron dende a Área de Deportes do Concello.
Quen desexe máis información tena na Concellaría de Deportes: no teléfono 981 76 75 89 e na conta deportesdoson@gmail.com.
Tarifas ordinarias das Escolas Deportivas municipais segundo ordenanza.
1º actividade: 66 euros
2º actividade: 33 euros
