O proxecto ULA Libraría Social de Outes, impulsado por Maitane Vicente, achega esta semana un novo e interesante encontro literario ao abeiro do programa Afinidades Electivas. Dentro do proxecto financiado polo Ministerio de Cultura este xoves 12 de setembro a libraría da Serra (emprazada no 11 da rúa da Capela) acolle unha xuntanza arredor da escrita con Mireia Calafell que vén dende Barcelona a Outes para compartir a súa visión da arte con veciñanza e visitantes. Na cita, que se desenvolve baixo o epígrafe Poesía, conversa e intercambio literario, tamén participará o escritor muradán Samuel L. París, unha das grandes figuras actuais da literatura galega, autor de obras tan destacadas como Pifostio (narrativa) ou o libro de poemas O tenro e o salvaxe, os dous de 2025.
