No derradeiro día de setembro, San Xerome, Galicia seguirá baixo a influencia do anticiclón. Agárdase un ceo despexado con nubes altas, que non impedirán o paso do sol.
As temperaturas mínimas descenderán lixeiramente, mentres que as máximas experimentarán un pequeno ascenso (24 a 27 graos). O vento soprará frouxo do nordés, con intervalos moderados no litoral norte.
O noso mar: Vento do nordés á mañá, do noroeste á tarde e do nordés á noite, forza 2 a 4 á mañá e 2 a 3 á tarde e á noite. Marusía á mañá e mar ovellado á tarde e á noite. Visibilidade boa. Mar de fondo do norte á mañá e noroeste á tarde e á noite, con ondas de 0.5 a 1 metros á mañá e 1 a 2 metros á tarde e á noite.
