Arousa e Muros- Noia:
Martes de ceos máis despexados e lixeiro ascenso das temperaturas nas Rías Baixas
Santiago e comarca:
Neboeiras matinais e tempo máis aberto ao longo do día en Santiago
Galicia quedará este martes 23, baixo a influencia das altas presións centradas nas Illas Británicas. A xornada comezará con bancos de néboa no interior e intervalos de nubes baixas no terzo norte, onde non se descarta algún chuvasco illado. Co avance do día, os ceos alternarán nubes e claros, quedando máis despexados canto máis ao sur da comunidade.
As temperaturas manteranse sen cambios significativos ou con lixeiros ascensos, (21 a 24 graos) mentres que o vento soprará do nordés, con intensidade moderada no litoral e máis frouxo no interior.
O noso mar: Vento do nordés á mañá e do norte á tarde e á noite, forza 3 a 5 á mañá, 3 a 4 á tarde e 4 a 5 á noite. Marusía á mañá e á tarde e forte marusía á noite. Visibilidade boa. Mar de fondo do noroeste, con ondas de 0.5 a 1 metros.
