Galicia volverá este martes, Santa Eufemia, á influencia das altas presións, o que deixará unha xornada de tempo máis estable.
As primeiras horas estarán marcadas pola presenza de néboas en comarcas do interior, que irán desaparecendo co avance da mañá. A continuación, os ceos quedarán despexados en xeral, con nubes medias e altas que non impedirán a presenza do sol.
As temperaturas mínimas experimentarán un lixeiro descenso, mentres que as máximas rexistrarán un moderado ascenso, favorecendo unha sensación térmica máis agradable ao longo do día.(26-27 graos).
No relativo ao vento, soprará de nordés frouxo en xeral, con intervalos de moderado no litoral.
O noso mar: Vento do nordés á mañá, do noroeste á tarde e do norte á noite, forza 3 a 4 á mañá, 2 a 3 á tarde e 1 a 3 á noite. Marusía á mañá e mar ovellado á tarde e á noite. Visibilidade boa. Mar de fondo do noroeste, con ondas de 2.5 a 3 metros á mañá, 2 a 3 metros á tarde e 2 a 2.5 metros á noite.
