O luns Galicia queda nunha situación intermedia entre o anticiclón dos Azores e as borrascas que se desprazan polo Atlántico norte. Con esta configuración agárdanse bancos de néboa en zonas do interior e intervalos de nubes baixas a primeiras horas. Co avance do día iranse abrindo grandes claros, coa posibilidade dalgún chuvasco moi illado e ocasional, máis probable no terzo norte. As temperaturas sufrirán un lixeiro descenso. O vento soprará do noroeste, frouxo en xeral, moderado no litoral atlántico.
O noso mar: Vento do norte á mañá e á noite e do noroeste á tarde, forza 2 a 4 á mañá e 4 a 5 á tarde e á noite. Marusía á mañá e forte marusía á tarde e á noite. Visibilidade boa. Mar de fondo do noroeste, con ondas de 1.5 a 2.5 metros.
