A partir deste luns, San Miguel, San Gabriel e San Rafael, Galicia recuperará de novo a influencia anticiclónica. Esta situación traerá ceos máis despexados canto máis ao sur.
Tamén se poderán formar néboas en zonas do interior, especialmente na provincia de Lugo, no val do Miño en Ourense e no do Sil. As temperaturas mínimas experimentarán un lixeiro descenso, mentres que as máximas se manterán sen cambios significativos (22-26 graos máximas).
O vento soprará moderado do nordés, chegando a ser forte entre Touriñán e Fisterra en mar aberto.
O noso mar: vento do nordés á mañá e á noite e do noroeste á tarde, forza 4 a 5. Forte marusía. Visibilidade boa. Mar de fondo do noroeste, con ondas de 1.5 a 2.5 metros.
