O mundo está patas para arriba. Mátanse persoas inocentes, con total impunidade, sen xuízo nin garantía algunha porque a algúns gobernantes autócratas e pouco democráticos, de maneira unilateral, sinálanos como terroristas. De xeito paradoxal, os máis terroristas son eles, branqueados por leis inxustas, como pode ser os exemplos dos mandatarios dos EE.UU de Norteamérica, de Rusia, da China, de Israel e dun longo etcétera de gobernantes autoritarios, que se esconden sobre falsas democracias occidentais, modernas e avanzadas.
Demasiados países e os seus gobernantes maquillan constantemente as situacións de violencia e xustifícanas como necesaria para aniquilar o mal, masacrando a toda a poboación civil, mulleres e nenos inocentes. Israel, leva máis de dous anos asasinando e exterminando á poboación en Gaza, sen respectar a legalidade vixente e insultando a todos os gobernantes e institucións internacionais que critican ese mesmo xenocidio.
Pouca empatía e humanidade, porque se fosen as súas mulleres ou fillos non serían capaces de actuar dese xeito tan miserable e noxenta.
