A festa non descansa en setembro no Barbanza. Sen ir máis lonxe, esta fin de semana vanse celebrar en territorio sonense as Festas de Ribasieira, o sábado 27 e o domingo 28 de setembro. Haberá actividades variadas: deportivas e de lecer, relixiosas e musicais.
No plano relixioso, honrarase á Virxe do Carme e a San Antonio.
O programa dará comezo o sábado ás 10.00 horas cunha andaina pola parroquia e uns pinchos a metade da ruta (cinco euros de prezo, e cómpre facer as inscricións no traxecto a través do 667 857 364).
Ao mesmo tempo celebraranse misas cada hora dende ás 10.00 horas até as 13.00 horas.
Logo, sobre as 13.00 comezará unha sesión vermú amenizada por Discomóvil (haberá tamén xantar campestre).
Ao día seguinte o programa de actividades arrincará ás 13.00 horas cunha misa e logo cunha sesión vermú a cargo de Open Drink. Deseguido farase o sorteo dunha TV de 55 polgadas e tralo sorteo volverá a música cos DJ de Discomóvil.
