Galicia quedará este mércores 10, baixo a influencia das baixas presións, que traerán unha fronte nas primeiras horas da xornada. Os ceos presentaranse cubertos e con precipitacións durante a mañá, aínda que a situación mellorará a partir do mediodía, cando as chuvias irán remitindo e se abrirán claros.
As temperaturas experimentarán un moderado ascenso,(22-24 graos) mentres que o vento soprará de compoñente oeste, con intensidade moderada.
O noso mar: vento do oeste á mañá e á tarde e do sudoeste á noite, forza 3 a 5 á mañá, 3 a 4 á tarde e 1 a 3 á noite. Marusía á mañá e á tarde e mar ovellado á noite. Visibilidade regular á mañá e á tarde e boa á noite. Mar de fondo do noroeste, con ondas de 1.5 a 2.5 metros.
