Dende a Área de Educación e Cultura do Concello de Rianxo informan de dispoñibilidade de prazas para o Programa de Mobilidade do Centro Dramático Galego, concretamente a iniciativa Sobes ao Autobús do Teatro?, que, desta volta, leva á veciñanza de diferentes concellos galegos a asistir á representación no Salón de Teatro (Santiago) de A serie Clopen, a nova produción do CDG. Será o vindeiro 25 de setembro, con saída fixada para 15:45 horas, na contorna do Auditorio Municipal de Rianxo. A función será ás 18.00 horas. O prezo, de 5 de euros. Trátase dunha obra recomendada para todos o públicos (os menores deben ir acompañados dunha persoa adulta responsábel). As inscricións, a través de cultura@concelloderianxo.gal.
A serie Clopen é unha produción do Centro Dramático Galego con acrobacias imposíbeis, aéreos de impacto, comedia hilarante, danza, clown e unha historia cautivadora. A dirección corre a cargo de Pablo Reboleiro.
