O vindeiro 11 de outubro, sábado, vaise celebrar unha xornada de micoloxía no concello de Dodro, organizada polo Concello en colaboración coa Deputación da Coruña.
Contarase coa presencia do Saúl de la Peña Lastra da Universidade de Santiago de Compostela. De 9 a 10 impartirá unha conferencia no Pavillón Polideportivo de Dodro, unha introdución á micoloxía e aos ecosistemas.
De 10 a 16 horas saída ao campo nunha ruta guiada (se chove non se suspende). Recoméndase ás persoas participantes que vaian preparadas con roupa e calzado cómodo (non sobra unha muda), unha cesta, unha navalla, un pincel e a comida para o mediodía.
As prazas son limitadas e o prazo estará aberto ata o 7 de outubro para as inscricións na Casa da Cultura e no 981 802472.
