A artista da nosa comarca Beatriz Ferrín achéganos estes días a segunda parte da súa mostra pictórica centrada nos tesouros do Barbanza: Un paseo pola contorna II. A mostra, composta de acuarelas extraídas directamente das contemplacións da artista nas nosas aldeas e vilas, poderá verse na sala de exposicións da Casa da Cultura de Porto do Son acolle, ata o 15 de setembro, en horario de luns a venres, de 8:00 a 14:00 h e os sábados de 11:00 a 13:00 h
Beatriz Ferrín é unha artista local autodidacta que destaca pola calidade de súa técnica no formato das acuarelas. Os seus traballos están inspirados na súa maioría no municipio mariñeiro e inclúen homenaxes á arquitectura local, ás súas xentes e á súa impoñente paisaxe marítima. Ferrín mostra o seu talento nas redes sociais a través da súa firma, Augarela.
