O Concello de Boiro colabora con BarbanTEA na organización da actividade DeporTEA que conta co financiamento da empresa local JEALSA e ten a finalidade de promover a inclusión no deporte. O concelleiro de Deportes, Marcos Fajardo, participou na presentación xunto con Patricia Davila e Eva Val del Rio de Barbantea, e Margarita Hermo, directora de Relacións Institucionais de JEALSA.
A formación DeporTEA está dirixida a adestradores/as e vai consistir nunha formación en atención a deportistas autistas impartida por Sergio Gómez Gallo.
Vai constar dunha xornada teórica que terá lugar o día 16 de setembro no Centro Social de Boiro, e unha práctica o día 18 no Pavillón de Barraña.
As inscricións están abertas e poden facerse mediante o número de teléfono 621 31 75 67.
