O Concello puxo en marcha esta semana as obras de reparación do parque infantil do Castelo, unha das zonas de xogo máis utilizadas do municipio. A intervención conta cun investimento municipal de arredor de 10.000 euros.
A concelleira de Servizos Municipais, Estefanía Ramos, destacou que se trata dunha actuación necesaria: “É unha das áreas infantís de maior uso por parte dos nenos e nenas, polo que resulta imprescindible resolver os desperfectos actuais e deixala en perfecto estado de uso”.
Os traballos consisten na reparación de elementos danados, a substitución das escaleiras da torre e o arranxo do solo de caucho. A previsión municipal é que as intervencións estean rematadas na vindeira semana.
