Dende a Concellería de Novas Tecnoloxías de Ribeira infórmase de que mañá xoves día 11 formalizarase a apertura do prazo de inscrición para facer os exames de competencias dixitais (ComDix) nivel iniciación, que no caso de Ribeira terán lugar na Aula CeMIT local os días mércores 29 e xoves 30 de outubro, en 2 quendas, de 10 a 12 horas e de 12 a 14 horas. As inscricións serán só para o nivel iniciación, xa que este ano, por primeira vez, foron separados por meses os niveis: a finais de outubro faranse as probas para a obtención do ComDix Iniciación; e a finais de novembro as do ComDix Intermedio.
Prazo de inscrición para facer o exame COMDIX Iniciación – Do 11 ao 24 de Setembro Días de Exame na Aula CeMIT Ribeira: 29 e 30 de outubro.
Inicio do prazo de inscricións: xoves, 11 de setembro, ás 00:01 horas.
Remate do prazo de inscricións: mércores, 24 de setembro, ás 23:59 horas
Onde inscribirse: na web da Rede CeMIT da axencia autonómica AMTEGA.
Só se permitirá unha inscrición por persoa participante.
O 25 de setembro realizarase o sorteo, publicándose na web 1-2 días despois a listaxe provisional e comunicando por correo electrónico aos participantes os resultados (admitidos provisional, listaxe de reserva, etc).
Unha vez publicada a listaxe provisional abrirase un prazo de 10 días para renuncias e chamamento de reservas para cubrir as prazas das persoas que comuniquen a non asistencia.
